|
میرا بہترین دوست |
انسان کو اللہ نے بہت سارے رشتوں سے نوازا ہے ان رشتوں میں ایک رشتہ دوستی کا رشتہ ہے جو دنیا میں سب سے اعظیم رشتہ تصور کیا جاتا ہے اللہ نے اپنے خوش نصیب بندوں کو ہی دوستی کے رشتے سے نوازا ہے ۔یوں تو انسان کی زندگی میں کئی دوست ہوتے ہیں ۔مگر کوئی ایک انسان کا بہترین دوست بن جاتاہے ۔میرے بھی کئی دوست ہے مگر ان دوستوں میں خالد میرا سب سے بہترین دوست ہے ۔
خالدمیری زندگی میں سب سے اہم شخص ہے ۔ میں اسے بچپن سے جانتا ہوں، اور وہ اچھے اور برے وقت میں ہمیشہ میرے ساتھ رہا ہے۔ وہ میرے لیے سب سے زیادہ قبل اعتماد بندہ ہے۔ایک چیز جو مجھے اپنے دوست کی سب سے زیادہ پسند ہے وہ ہے اس کا مثبت رویہ ہے۔ وہ ہمیشہ چیزوں کے روشن پہلو کو دیکھتاہے.میں نے زندگی میں خالد سے بہت سی مثبت چیزیں سیکھیں ہیں ۔
خالد میرا بچپن کا دوست ہے ہم دونوں نےبچپن سے ایک ہی سکول میں پڑھا ہے وہ اسکول میں ہمیشہ امتیازی نشانات سے پاس ہوتا تھا ۔ اسکی ذہانت اور ذکاوت کی وجہ سے اَسا تید اسے بے حد پسند کرتے ہیں اکثر کلاس کے طلباء اسکی قابلیت اور کامیابی پر رشک کرتے تھے۔کیونکہ وہ ہمیشہ اپنے علم اور بصیرت سے دوسرے بچوں کو متاثر کرتا تھا۔۔ میرا دوست ناقابل یقین حد تک مہربان اور ہمدرد بھی ہے۔ وہ ہمیشہ اپنے دوستوں اور خاندان والوں کی خدمت کے لیے تیار رہتے ہیں۔ وہ ہر کسی سے کشادہ پیشانی سے ملتے ہیں ۔ وہ ایک شگفتہ مزاج انسان ہے جو اسے ایک بار ملتا ہے وہ پھر ہمیشہ اسے ملنے کا مشتاق رہتا ہے۔ وہ انتہائی زاہد بھی ۔ پانچ وقت کی صلواۃ بھی ادا کرتا ہے اور پابندی کے ساتھ قرآن کریم کی تلاوت بھی۔ ان ہی اعلیٰ خوبیوں کی وجہ سے مجھے اس دوستی پر فخر ہے اور مجھے یقین ہے کہ ہماری دوستی زندگی بھر قائم و دائم رہے گی۔
No comments:
Post a Comment