دیوان مرحوم کی یاد میں درسی سوالات مع جواب

دیوان مرحوم کی یاد میں

 شمیم احمد شمیم

حالات زندگی

شمیم احمد شمیم 1934ء کو مولوی یعقوب کے گھر ضلع شوپیاں کے ایک دور افتادہ گاؤں ناسور میں پیدا ہوئے۔ماں باپ نے شمیم احمد نام رکھا اور سن شعور کو پہنچنے کے بعد ادب اور صحافت کی دنیا میں شمیم احمد شمیم کے نام سے متعارف ہوا۔ ابتدائی تعلیم آپ نے شوپیاں ہی میں حاصل کی اور مزید تعلیم حاصل کرنے کے لئے سرینگر آئے اور ایس۔پی کالج میں داخلہ لیا۔ بی ۔اے کا امتحان پاس کرتے ہی محکمہ اطلاعات میں ملازمت اختیار کی اور یہاں انھیں ماہنامہ"تعمیر"کی ادارت سونپی گئی ۔

اس زمانے میں انھوں نے جو تنقیدی مضامین تحریر کیے وہ فکر انگیز ہیں ۔شمیم سیمیابی طبیعت کے مالک تھے اسلئے ملازمت سے مستعفی ہوئے اور ایل ۔ایل۔ بی کی ڈگری حاصل کرنے کے لئے علی گڑھ چلے گئے ۔اسکے بعد وکالت کا پیشہ اختیار کیا۔
1904ء میں ہفت روز "آئینہ " نکالنا شروع کیا۔ اس اخبار کے کالم شمیم کی حقیقت بیانی کے مظہر تھے۔ آپ باریک بین تھے اور انسان کو پہنچانے کا ہنر خوب جانتے تھے۔ انھی خوبیوں کی وجہ سے وہ قد آور شخصیات کو محض چند الفاظ میں سمیٹ لینا جانتے تھے۔ان کا ایک مستقل کالم "چراغ بیگ" تھا جو بہت مشہور تھا اور اسے ایک ادب پارہ تصور کیا جاتا ہے۔ آپ صرف 45 سال کی عمر میں یکم مئی 1980ء کو اس جہاں فانی سے کوچ کر کئے۔

     

 سبق: دیوان مرحوم کی یاد میں

سوال1۔ مضمون نگار کس تصور سے کانپتا ہے؟

جواب: مضمون نگار اس تصور سے کانپتا ہے کہ اس کے مرجانے کے بعد اس کے عزیز و اقارب ،بیوی،بچے اور دوست و احباب اسے اسی طرح بھلادیں گے جس طرح اس نے اپنے باپ کو،اپنے بھائی اور اپنے عزیز ترین دوست عبد القادر دیوان کو بھلادیا ہے۔

سوال2: دیوان صاحب کی شخصیت کے بارے میں مختصر نوٹ لکھئے۔

جواب: عبدالقادر دیوان شوپیاں سے ایک یا ڈیڑھ میل کے فاصلے پر واقع گاؤں چوگام میں ایک ایسے دقیانوسی رئیسوں کے خاندان میں پیدا ہوئے جہاں لڑکیوں کی تعلیم کو وقت کا ضائع کرنا اور برا سمجھا جاتا تھا ۔ دیوان صاحب کو بچپن ہی سے پڑھنے کا بہت شوق تھا اس لئے انہوں نے بزرگوں کی نظریں بچا کر اپنا پیٹ اور اپنے باپ کی جیب کاٹ کر کتابیں خرید لی اور انھیں پڑھنے کا سلسلہ جاری رکھا دوکان پر چائے کپڑا اور نمک بھیجتے بھیجتے انہوں نے پہلے میٹرک اور پھر ادیب فاضل کا امتحان پاس کر دیا وہ کوئی سیاسی لیڈر ، مذہبی رہنما ، اہل قلم یا صاحب تصنیف بزرگ نہیں تھے البتہ وہ اتنا عمدہ مذاق رکھتے تھے کہ اردو کے بڑے پروفیسر ،شاعر ،نقاد اور محقق ان کے سامنے ہیچ نظر آتے تھے دیوان صاحب صادق القول اور ایماندار بزرگ تھے وہ سخت قسم کے مذہبی آدمی تھے لیکن ہم کاروں کے ساتھ بہت گل مل جاتے تھے ان کی زبان اور ان کے قلم میں وہ جادو تھا کہ بڑے بڑے  ادیبوں اورمقرروں کے بیان میں نظر نہیں آتا۔

سوال نمبر3: تشبیہ کسے کہتے ہیں ؟

جواب:   تشبیہ عربی زبان کا لفظ ہے لغت کے اعتبار سے لفظ تشبیہ کے معنی ہیں مشابہت دینا مانند ٹھہرانا یا تمثیل۔لفظ تشبیہ واحد ہے۔ جس کا جمع  تشبیہات ہے۔ جب کسی ایک چیز کو شکل و صورت، بناوٹ اور دیگر خصوصیات کی بنا پر کسی دوسری چیز کی مانند ٹھہرایا جائے تو اسے تشبیہ کہتے ہیں ۔

*درج ذیل الفاظ کے ساتھ مصدرجوڑ کر مصادر جعلی بنائیں۔

الفاظ                    ۔۔   مصادر جعلی

کوشش۔  ۔۔                 کوشش کرنا

تلاش                 ۔۔۔۔      تلاش کرنا

تقریر۔  ۔۔۔۔                     تقریر کرنا

تشریف۔    ۔۔۔                تشریف لانا

تعزیت۔      ۔۔۔              تعزیت کرنا

مبارک۔۔۔۔                     مبارک کرنا

تعمیر۔۔۔۔                       تعمیر کرنا

ذلیل۔۔۔۔۔                        ذلیل کرنا

* درج ذیل اسموں میں تبدیلی کرکے مصادر جعلی بنائے 

شرم۔۔۔۔۔۔۔۔۔۔۔۔۔۔۔۔۔۔۔شرمانا 

فرمان۔۔۔۔۔۔۔۔۔۔۔۔۔۔۔۔ فرمانا

 سوچ۔۔۔۔۔۔۔۔۔۔۔۔۔۔۔۔ سوچنا 

موڑ ۔۔۔۔۔۔۔۔۔۔۔۔۔۔۔۔۔۔۔موڑنا

لپیٹ۔۔۔۔۔۔۔۔۔۔۔۔۔۔۔۔۔۔ لپیٹنا

کھیل۔۔۔۔۔۔۔۔۔۔۔۔۔۔۔۔۔۔ کھیلنا

# مندرجہ ذیل اسموں کے ساتھ بے"سابقہ جوڑ کر نئے الفاظ بنائے ۔ 

رحم ۔۔۔۔۔۔۔۔۔۔۔۔۔۔بےرحم 

 ادب۔۔۔۔۔۔۔۔۔۔۔۔۔ بے ادب 

 وقت۔۔۔۔۔۔۔۔۔۔۔۔۔ بے وقت 

 بنیاد۔۔۔۔۔۔۔۔۔۔۔۔۔ بے بنیاد 

 مروت۔۔۔۔۔۔۔۔۔۔۔۔۔ بے مروت 

 حوش۔۔۔۔۔۔۔۔۔۔۔۔۔ بے ہوش 

قرار۔۔۔۔۔۔۔۔۔۔۔۔۔۔۔۔۔۔ بے قرار

نیچے دئے گئے اسموں میں سے مذکر کے مونث اور مونث کے مذکر لکھیے 

مذکر۔۔۔۔۔۔۔۔۔۔۔۔۔۔۔۔۔مونث

 شوہر۔۔۔۔۔۔۔۔۔۔۔۔۔۔۔۔ بیوی 

 مرحوم ۔۔۔۔۔۔۔۔۔۔۔ مرحومہ  

والد ۔۔۔۔۔۔۔۔۔۔۔۔۔۔۔۔۔۔۔۔ والدہ

 دادا ۔۔۔۔۔۔۔۔۔۔۔۔۔۔۔۔۔۔۔۔دادی 

 صاحبہ۔۔۔۔۔۔۔۔۔۔۔۔۔۔۔ صاحبہ 

 دھوبی ۔۔۔۔۔۔۔۔۔۔۔۔۔۔۔۔۔دھوبن 

 نائی۔۔۔۔۔۔۔۔۔۔۔۔۔۔۔۔۔۔۔۔۔۔۔نائن