 |
| Women Education in urdu |
تعلیم نسواں کا معنی ہے عورتوں کی تعلیم ہمارے مذہب اسلام نے معاشرے میں عورت کے حقوق کو واضح کر دیا ہے۔ اسلام سے پہلے عورتوں کو کوئی حقوق حاصل نہیں تھے ۔ بچیوں کو زندہ درگور کیا جاتا تھا ۔ اسلام نے ہی مردوں کی تعلیم کے ساتھ ساتھ عورتوں کی تعلیم پر زور دیا ہے۔
ارشاد نبوی ﷺ ہے:
“علم حاصل کرنا ہر مسلمان مرد عورت پے فرض ہے”۔
تعلیم تمام لوگوں کے لیے ضروری ہے، چاہے وہ مرد ہو یا عورت۔ تعلیم کا بنیادی نظریہ علم اور ہنر حاصل کرنا ہے، اور یہ ایک تعصب ہو گا اگر یہ حق صرف مردوں کو دیا جائے۔ ابتدامیں خواتین صرف گھریلو کاموں کے بارے میں تعلیم یافتہ تھیں، اور وہ اس بات سے واقف نہیں تھیں کہ ان کے آس پاس کیا ہو رہا ہے۔ لیکن اب، ہم اس سوچ میں تبدیلی دیکھ سکتے ہیں کیونکہ زیادہ سے زیادہ خواتین تعلیم حاصل کرنے کے لیے سب سے آگے آرہی ہیں۔
خواتین کو تعلیم دینا انتہائی اہمیت کا حامل ہے کیونکہ اس سے ملک کی ترقی کے ساتھ ساتھ آنے والی نسلوں کی تعمیر میں بھی مدد ملے گی۔ اگر ہم خواتین کو تعلیم دینے سے انکار کر دیں گے تو ملک مکمل طور پر ترقی نہیں کر سکے گا ۔ تعلیم کے نور سے ہی پڑھی لکھی خواتین اپنی ذاتی اور پیشہ ورانہ زندگیوں میں اچھی طرح چمک سکیں گی۔ عورت کی تعلیم اسلیے بھی ضروری ہے کیونکہ اگر عورت تعلیم یافتہ ہوں تو اسکے بچے بھی مہذب اور صاحب علم بن جائیں گے چونکہ بچے اپنا زیادہ تر وقت اپنی ماں کے ساتھ گزارتے ہیں، ان کے درمیان بہت سی معلومات کا تبادلہ ہوتا ہے۔ دنیا میں آج تک جو اعظیم ہستیاں گزری ہیں ان سب نے تعلیم یافتہ ماؤں کی گود میں پرورش پائی ہے۔ جس قوم کی مائیں تعلیم یافتہ ہوں اس قوم کا مستقبل روشن بن جاتا ہے۔
No comments:
Post a Comment