گلوبل وارمنگ
گلوبل وارمنگ یعنی عالمی حدت سے مراد کرۂ ارض کی سطح پر تیزی سے بڑھتا ہوا درجۂ حرارت ہے۔گلوبل وارمنگ ایک طویل مدتی ، گرین ہاؤس گیس کے اخراج کا مجموعی اثر ہے۔گلوبل وارمنگ ماحول کے لیے خطرے کی گھنٹی ہے۔ کیونکہ زمین کے ماحولیاتی توازن پر اس کے منفی اثرات مرتب ہو رہے ہیں۔ گلوبل وارمنگ ماحولیاتی عدم توازن مختلف قدرتی آفات جیسے سیلاب، قحط وغیرہ کی جڑ ہے۔ نیز یہ مختلف ماحولیاتی خطرات جیسے سمندر کی سطح میں اضافہ اورگلیشیئر کے پگھلنے، کی بنیادی وجہ ہے۔ یہی وجہ ہے کہ گلوبل وارمنگ تقریباً تمام ماحولیاتی کانفرنسوں، منصوبوں اور مباحثوں وغیرہ کا سر چشمہ ہے۔گلوبل وارمنگ زمین پر زندگی کے وجود کے لیے خطرہ ہے۔ صرف انسان ہی نہیں بلکہ زندگی کی کوئی بھی دوسری شکلیں، چاہے وہ نباتات ہو یا حیوانات، گلوبل وارمنگ کی وجہ سے ان کو شدید خطرے کا سامنا ہے۔ اس لیے اس خطرناک رجحان کے اسباب کو جڑ سے اکھاڑ پھینکنا وقت کی اہم ضرورت ہے۔
گلوبل وارمنگ کی بنیادی وجہ صنعت کاری، شہروں کا پھیلاؤ، جنگلات کی کٹائی، جدید ترین انسانی طرز زندگی اور دیگر متعلقہ انسانی سرگرمیاں ہیں۔ ان انسانی سرگرمیوں اور رجحانات کی وجہ سے گرین ہاؤس گیسوں جیسے کاربن ڈائی آکسائیڈ، میتھین، نائٹرس آکسائیڈ وغیرہ کے اخراج میں اضافہ ہوا ہے۔ ان گیسوں کے نتیجے میں زمین کی سطح کے اوسط درجہ حرارت میں اضافہ ہوا ہے،
اس میں کوئی شک نہیں کہ گلوبل وارمنگ کا بڑھتا ہوا رجحان زمین کے چہرے سے زندگی کی کسی بھی شکل کو مکمل طور پر ختم کر دے گا۔ گلوبل وارمنگ اوزون کی تہہ کو ختم کر دیتی ہے اور ہمیں قیامت کے دن کی طرف لے جا سکتی ہے۔ یہ ہمارے لیے ایک بیداری کی نداہے کہ ہم اپنی زندگی گزارنے کے طریقوں میں ترمیم کریں تاکہ ایسی مصنوعات کے استعمال کو محدود کیا جائے جو گلوبل وارمنگ میں اضافے میں معاون ہیں۔ وقت کا تقاضا ہے کہ ہم 'گلوبل وارمنگ' پر قابو پانے کے لیے مخلصانہ کوشش کریں تاکہ کرہ ارض پر حیات قائم رہ سکے۔
مزید نوٹس کے لیے یہاں کلک کریں
No comments:
Post a Comment