ہماری تاریخ ||سبق نمبر 16|| جماعت آٹھویں

ہماری تاریخ

جماعت : آٹھویں/ مضمون : اردو

سوال نمبر 1: نظم کے مطابق ہندوستان میں مختلف تہوار کیسے منائے جاتے ہیں ۔

جواب: نظم کے مطابق ہندوستان میں مختلف تہوار مل جھل کر منائے جاتے ہیں ۔

سوال نمبر2: اجنبی ہاتھوں سے شاعر کی کیا مُراد  ہے ؟

جواب: اجنبی ہاتھوں سے شاعر کی مُراد انگریز حکمران ہیں ۔

سوال نمبر 3: ہماری تاریخ کو کس طرح بدل دیا گیا ؟

جواب : انگریزوں نے اپنے مقاصد کے خاطر یہاں کے لوگوں کے دلوں  میں  ایک دوسرے کے خلاف نفرت کے بیج بوئے  ۔ لوگوں کو  مذہب کے نام پر ایک دوسرے کےساتھ لڑوایا۔ امن ، اخوت  اور  روادی  ختم کر دی گئی  اسطرح  ہماری شاندار تاریخ کو  بدل  دیا گیا۔

سوال نمبر4: ہمارے ملک کی کیا تاریخ رہی ہے۔

جواب: ہمارے ملک کی تاریخ امن، اخوت،محبت، دل داری اور دل جوئی  کی رہی ہے

سوال نمبر 5: آزادی ملنے کے بعد ہم خود کو کیسا محسوس کرتے ہیں؟

جواب: آزادی ملنے کے بعد ہم خود کو آزاد اور تعصب کے اندھیروں سے پاک محسوس کرتے ہیں ۔

سوال نمبر 6: شاعر نے آخری بند میں ایکتاکی کیا پہچان بتائی ہے؟

جواب:- شاعر نے آخری بند میں ایکتا کی یہ پہچان بتائی ہے کہ ہمارا وطن ، ہماری زمین ،ہماری فکر و عمل ،ہمارا یقین سب ایک ہیں ۔

سوال نمبر 3: نیچے لکھے ہوئے بند کو مکمل کیجئے:

تیری    تاریخ ہے قرآن کا گیتا کا ورق

آشتی ،امن ،اہنسا کے اصولوں کا سبق

دہر سے اپنا مقابل کوئی اب تک نہ اٹھا

کوئی گوتم ، کوئی چستیؒ کوئی نانک نہ اٹھا

سوال نمبر 4: نیچے لکھے ہوئے لفظوں کو جملوں میں استعمال کیجئے:

الفاظ	جملے
اجالے	آج کل دن کے اجالے میں  بھی چوری کا  اندیشہ  رہتا ہے
اجنبی	کسی اجنبی پر بھروسہ  نہیں کرنا چاہیے۔
نفرت	ہمیں ایک دوسرے کے  ساتھ نفرت نہیں کرنی  چاہیے۔
چالاک	انگریز چالاک حکمران  تھے ۔
وفا	خود غرض لوگوں سے  وفا کی امید نہیں رکھنی چاہیے۔
امن	اسلام  امن کا درس  دیتا ہے۔
آزاد	امریکہ ایک آزاد ملک ہے ۔

 سوال نمبر 5 : ان لفظوں کے جمع لکھیے:

واحد	جمع
تہمت	تہمتیں
فرنگی	فرنگیوں/فرنگی
فکر	افکار
عمل	اعمال
جذبہ	جذبات